Vul gerus die vorm in vir enige navrae.

Naam *

E-pos *

Navrae

Taal/Language

Oudpresident MT Steyn se standbeeld voor die hoofgebou op die Kovsie-kampus

AfriForum en AfriForum Jeug moedig deelname aan konsultasieproses oor Steyn-beeld op UV-kampus aan

AfriForum en AfriForum Jeug moedig die publiek aan om deel te neem aan ’n konsultasieproses oor die toekoms van die standbeeld van pres. M.T. Steyn op die kampus van die Universiteit van die Vrystaat (UV).

Dít volg ná die universiteit vandag aangekondig het dat ’n openbare uitstalling tydens die Vrystaatse Kunstefees gehou sal word om te verseker dat die hersieningsproses en die standbeeld self die onderwerp van ingeligte, intellektuele bespreking sal bly tydens die tydperk van publieke deelname oor die standbeeld soos voorgeskryf deur die Wet op Nasionale Erfenishulpbronne.

Nadat enkele studente aanvanklik die verwydering van die beeld geëis het en die tydelike bedekking daarvan oorweeg is, het AfriForum en AfriForum Jeug reeds insette oor die toekoms van die beeld gelewer. Dié organisasies sal weer van die publieke deelnameproses gebruik maak om kommentaar te lewer en in die komende week ook bygestaan word om hul insette te kan gee.

Volgens beide organisasies is dit nodig om van studente se idees kennis te neem, máár hulle standpunte moet op ingeligte opinies gebaseer wees. AfriForum en AfriForum Jeug waardeer daarom dat die UV meer inligting op hul webwerf voorsien oor wie pres. Steyn was en waarom die beeld opgerig is. Meer moet egter gedoen word om te verseker dat kommentaar op kennis gebaseer is en nie op tydelike politieke agendas nie.

Volgens Alana Bailey, adjunk- uitvoerende hoof van AfriForum verantwoordelik vir erfeniskwessies swig Suid-Afrikaanse owerhede tans te maklik voor populiste se eise dat standbeelde verwyder moet word omdat hulle persepsies daaroor huldig, sonder dat diegene werklik moeite doen om die geskiedenis van die individue of die rol van standbeelde in die samelewing na behore na te vors.

“Geskiedenis en erfenishulpbronne soos standbeelde kan nie na willekeur deur elke generasie verander word om by een groep se subjektiewe mening op ’n spesifieke tydstip of magsagenda in te pas nie. Dit moet met oordeel bewaar word sodat komende geslagte ook hulle objektiewe interpretasie daarby kan voeg en van die soet en suur van die verlede kan kennis neem.”

AfriForum en AfriForum Jeug sal binnekort verdere aksies ter bewaring van die beeld aankondig.

VW - logo

VW beskuldig van rassistiese toelatingsbeleid

 

VW - logo

AfriForum Jeug het gister ’n skrywe aan sowel Volkswagen (VW) Suid-Afrika as Volkswagen se hoofkantoor in Wolfsburg, Duitsland, gerig rakende ’n onlangse advertensie waarin Volkswagen jongmense aanmoedig om aansoek te doen en deel te neem aan ’n kompetisie om ’n Volkswagen-renjaer te word. ’n Lid van AfriForum Jeug wat wou aansoek doen, is nie toegelaat nie omdat hy wit is.

bty

AfriForum Jeug stap vir eerste keer in 104 jaar op volkshelde se spoor

AfriForum Jeug saam met ongeveer 28 studente en ondersteuningspersoneel het van 31 Maart tot 6 April vanjaar die eerste Rebelspoorvasbyt van ongeveer 75 km te voet afgelê. Dié roete strek van Upington tot by die plaas Zwartmodder in die Wes-Kalahari en herdenk die Rebellie (Boereopstand) van 1914-15. Dit is die eerste keer in meer as ’n eeu dat iemand hierdie deel van die rebelle se roete, wat in totaal oor 700 kilometer strek, te voet aflê.

Die skrywer dr. Louis Bothma het die toer gelei, wat gebaseer is op genl. Jan Kemp en sy rebellekommando se woestyntog deur die Kalahari om by genl. Manie Maritz en sy rebellekommando in Duits-Suidwes-Afrika aan te sluit. Die tog het op 1 April in Upington begin en met die sandsloot langs na die plaas Christiana (24 km) gevorder waar kommandant Albert Stadler op 25 Januarie 1915 aan sy wonde beswyk het. Daarna het die groep Kemp en sy Wes-Transvalers se spore oor Gelukspruit en Steenkampsput na Bloubos (15 km) gevolg. Op die voorlaaste dag het die stappers deur driedorings, klipvlaktes en duine via Grondneus na Koegoekoep (15 km) gestap. Op 5 April is die laaste 20 km tot by Zwartmodder afgelê.

“Ons het in 2016 en 2017 met bussies getoer, maar om hierdie roete te stap en die omgee vir mekaar en trots vir die Afrikanergeskiedenis onder jongmense te ervaar, is ’n belewenis,” sê Marike van As, organiseerder van die toer.

Die doel van die toer is om jongmense van hul geskiedenis bewus te maak en van Afrikanervolkshelde te leer. Die toer vorm deel van ’n reeks geskiedenistoere wat AfriForum Jeug vanjaar gaan aanbied.

Hanno Bisschoff, ’n student aan die Noordwes-Universiteit (Puk-kampus), sê dat mens bronne oor die geskiedenis kan naslaan, “maar tensy jy nie self in daardie spore getrap het nie, sal jy nooit die omvang van die opoffering verstaan wat die rebelle vir vryheid gemaak het nie”. Vir Michelle Peens, ’n student aan die Universiteit van die Vrystaat, was die voltooiing van die eerste dag se 24 km in die Upington-hitte ’n hoogtepunt.

AfriForum Jeug wil die volgende rolspelers en borge vir hul bydrae om die toer ‘n sukses te maak, bedank: Keimoes Agri Zone Build Zone, Mediclinic Upington, Stolper en Seuns, John Human, dr. Louis Bothma, pastoor Dekker Stadler, Piet en Rentia Oosthuizen en Wilesta Peens. ‘n Baie spesiale dankie aan die boeregemeenskap wat hul plase, huise en kampplekke aan die toergroep beskikbaar gestel het.

Diegene wat meer van die geskiedenistoere wil weet of daarby betrokke wil raak, kan Marike van As by marike.vanas@afriforum.co.za of 081 217 0008 kontak. Finansiële bydraes ter ondersteuning van die toere sal baie welkom wees.

Begunstigde: AfriForum NPC

Bank: FNB

Rekeningnommer: 62349898398

Takkode: 261550

Verwysing: “Rebelspoor-skenking”.

 

logo

Memorandum: Afrikaanse onderrig is ononderhandelbaar

Beste prof. Dan Kgwadi

AfriForum Jeug is ’n organisasie wat daarop fokus om die regte en belange van die Afrikaner-jeug te beskerm en bevorder. AfriForum Jeug is ’n geregistreerde vereniging op die NWU se Potchefstroom-kampus (NWU PUK), waar duisende jong Afrikaanssprekendes studeer.

Capture.JPG 11

10 Punt Voorkomingsplan vir kampusse

AfriForum Jeug het vandag ’n Nasionale Voorkomingsplan vir kampusse regoor Suid-Afrika bekendgestel. Hierdie plan kom na geweld verlede week by die Elsenburg Landboukollege in Stellenbosch geheers het, asook na dreigemente van soortgelyke geweld by ander kampusse regoor Suid-Afrika.

ZA-Elsenburg-Agricultural-Training-Institute

Brief aan Elsenburg Landboukollege bestuur

AfriForum Jeug het vandag verneem dat ʼn groep studente weereens onwettig op Elsenburg Landboukollege se kampus betoog het. Klasse is ontwrig en studente is hul reg tot onderrig ontneem. Die hoofgebou van die kollege is bestorm en studente en personeel is deur die betogers gedreig. AfriForum Jeug het ʼn finale skrywe met eise aan die kollege se bestuur gestuur.

Kliek op die skakel om die skrywe te lees: Elsenburg Eisbrief