AfriForum Jeug sal Afrikaanse sokkies by Maties voortsit

AfriForum Jeug verwerp die anti-Afrikaanse beweging wat tans besig is om dié taal by die Universiteit Stellenbosch (Maties) te versmoor. Om hierdie rede gaan dié jeugorganisasie se Maties-tak in die komende paar weke ’n Afrikaanse sokkie in Stellenbosch reël. Dié aankondiging kom nadat dit bekend geword het dat studente en jongmense deur die universiteit verbied is om in Afrikaans te sokkie.

“ʼn Sokkie is ’n geleentheid waar jongmense die studentelewe kan geniet, maar selfs dít word nou bedreig deur die anti-Afrikaanse golf wat tans oor die land se universiteitskampusse spoel. Sokkies word verpolitiseer en gedemoniseer en dít in die naam van transformasie, inklusiwiteit en linkse politiese korrektheid,” sê Roderick Leonard, voorsitter van AfriForum Jeug se Maties-tak.

Volgens Henk Maree, hoof van AfriForum Jeug, is daar ’n duidelik aanslag op Afrikaans en op ’n gesonde studentelewe op talle tersiêre instellings in Suid-Afrika.

“As jeugorganisasie sal ons nie bystaan en toekyk hoe Afrikaans gedemoniseer word nie. Dit is verregaande om só ver te gaan as om selfs Afrikaanse liedjies by jongmense se samekomste te verbied,” sê Maree.

Die studentegemeenskap en jongmense van Stellenbosch en omliggende gebiede word aangemoedig om AfriForum Jeug op sosiale media dop te hou; die inligting rondom AfriForum Jeug se komende Afrikaanse sokkie sal dáár geplaas word.

AfriForum Jeug vier nie vanjaar Jeugdag nie

Die burgerregte-organisasie AfriForum Jeug vier nie vanjaar Jeugdag nie omrede die ANC-regering toenemend sy onbevoegdheid ten toon stel en die omstandighede in Suid-Afrika gevolglik ’n al hoe swakker toekomsverwagting vir die Suid-Afrikaanse en Afrikanerjeug daarstel.

Matie-plakkaat onvanpas

AfriForum Jeug veroordeel die uitbeeldings van Nazi-plakkate wat op 9 Mei 2017 op Universiteit Stellenbosch (US) se Stellenbosch-kampus aangebring is ten sterkste.

Ras troef meriete: AfriForum Jeug stig studiefonds om studente te help

AfriForum Jeug het in samewerking met Solidariteit Helpende Hand ’n Matie-alumni-studiefonds gestig om huidige en voornemende studente aan die Universiteit van Stellenbosch (US) met behulp van alumni-skenkings in staat te stel om te studeer. Studente wat deur dié fonds gehelp word, sal uitsluitlik op grond van meriete gekeur word.

AfriForum Jeug veroordeel aanry van studente na US

AfriForum Jeug het ’n dringende beroep op die bestuur van die Universiteit van Stellenbosch (US) gedoen om onmiddellik op te tree teen individue wat gister per bus aangery is om op die kampus te betoog.

AfriForum Jeug VSR-kandidatuur regmatig herstel

Die studente-appèlhof van die Universiteit van Stellenbosch (US) het op 9 September 2016 uitspraak gelewer rakende die appèl van die agt AfriForum Jeug-kandidate wat aan die verkiesing van die verteenwoordigende studenteraad (VSR) deelneem.

Rugsakreis op die Rebelspoor

Rugsakreis op die Rebelspoor

Dit was die Afrikaner se donkerste uur toe die bittereinders van die Anglo-Boereoorlog mekaar twaalf jaar later die stryd aansê: Aan die een kant die regeringsmagte (Kakies) van premier Louis Botha en sy minister van verdediging, Jan Smuts – aan die ander kant die rebelliekommando’s (Boere) van generaal Koos de la Rey, kommandant-generaals Christiaan de Wet en Christiaan Beyers. Na ’n paar maande was alles verby. Die einde was bitterder as in 1902.

• Koos de la Rey
• Christiaan de Wet
• Jan Kemp
• Jopie Fourie
• Manie Maritz

Hoe gebeur so ’n tragedie?
Wie was die rolspelers?
Hoe kyk ’n mens ’n honderd jaar later daarna?

Bring jou rugsak en kom toer deur die Kalahari op die spore van genl. Kemp en genl. Maritz saam met AfriForum Jeug

Datum: 1 – 9 Oktober 2016
Koste: Gratis
RSVP:Stuur jou naam, van, selfoonnommer en kampusnaam voor of op 15 September na: marike@afriforum.co.za

Grafika:

• 2500 km
• 6 Bestemmings
• 9 Dae vol pret en opwinding
• Leer meer oor jou kultuur
• Leer meer oor jou geskiedenis
• Leer meer oor jou erfenis
• Leer meer oor jouself

VSR-kandidate appelleer teen studentehofbevel

Agt AfriForum Jeug VSR-kandidate het vandag appèl ingedien teen die beslissing van die studentehof van die Universiteit van Stellenbosch (US). Dié bevel het gelas dat geen studenteraadverkiesing by die US gehou mag word voordat dié universiteit aan AfriForum se kandidate redes verskaf vir hulle diskwalifikasie uit die studenteraadverkiesing en hulle geleentheid kry om daarteen te appelleer nie.

US-verkiesingshoof sê studentehof tree buite magte op

Calumet Links, die hoofverkiesingsbeampte van die Universiteit van Stellenbosch (US) se verteenwoordigende studenteraad (VSR), het in ’n verslag wat by die studentehof ingedien is, bekend gemaak dat dié hof bloot met hofverrigtinge voortgegaan het en dat hy van sy funksie ontneem is om klagtes van oortredings van verkiesingsreëls te ondersoek.

Hooggeregshof stop SR-verkiesing sonder AfriForum-kandidate

Die Wes-Kaapse hooggeregshof het pas gelas dat geen studenteraadverkiesing by die Universiteit van Stellenbosch (US) gehou mag word voordat dié universiteit se studentehof aan AfriForum se kandidate redes verskaf vir hulle diskwalifikasie uit die studenteraadverkiesing en hulle geleentheid kry om daarteen te appelleer nie.

AfriForum Jeug nader hooggeregshof ná US studente uit VSR-verkiesing skors

AfriForum Jeug bring môre ’n dringende aansoek in die Kaapstadse hooggeregshof om die Universiteit van Stellenbosch (US) te dwing om agt kandidate vir die verteenwoordigende studenteraad (VSR) se kandidatuur te herstel.

AfriForum Jeug appelleer ná onregmatige opskorting van VSR-kandidate se kandidature by US

AfriForum Jeug het na die studente-appèlliggaam van die Universiteit van Stellenbosch (US) geappelleer teen die onregmatige opskorting van die kandidatuur van sewe kandidate wat aan die verkiesing van die verteenwoordigende studenteraad (VSR) deelneem. Die appèl spruit voort uit onsuksesvolle bemiddellingspogings.

Maties SR-verkiesing

Waarom moet ek my kruisie trek tydens die studenteraadverkiesing?
ʼn Bevoegde studenteraad (SR):

1. Kommunikeer met studente en is bewus van die jongste verwikkelinge;
2. Spreek klagtes aan wat van studente ontvang word;
3. Vermy politieke paaiery en doen wat werklik in belang van studente is;
4. Verhoed dat ʼn klein groepie anargiste namens alle studente praat;
5. Neem studente se menings in ag tydens besluitneming en steun nie slegs op hul eie opinie nie;
6. Laat hulle nie deur die bestuur voorskryf nie;
7. Probeer om studente gelukkig te hou, nie die bestuur nie;
8. Praat namens jou by die raad en senaat;
9. Huiwer nie om die howe te nader ten einde studente se regte te beskerm nie.

Stem vir ʼn studenteraad (SR) indien jy keelvol is vir:

1. Geweld op kampus;
2. ʼn Klein groepie anargiste wat kwansuis namens jou praat;
3. ʼn SR wat nie na studente luister nie;
4. ʼn SR wat niks rondom studente se klagtes doen nie;
5. ʼn SR wat besluite neem sonder om studente se menings in ag te neem;
6. ʼn SR wat slegs probeer om politieke partye gelukkig te hou;
7. ʼn SR wat meer daarin belangstel om die bestuur gelukkig te hou as studente;
8. ʼn SR wat nie namens studente optree nie, maar hulle deur die bestuur laat voorskryf;
9. ʼn SR wat te bang en geïsoleerd is om die howe te nader indien dit nodig sou wees;
10. ʼn SR wat swig voor intimidasie.

Jongste nuus rakende die SR-verkiesing:

• VSR-kandidate appelleer teen studentehofbevel
• US-verkiesingshoof sê studentehof tree buite magte op
• Hooggeregshof stop SR-verkiesing sonder AfriForum-kandidate
• AfriForum Jeug nader hooggeregshof ná US studente uit VSR-verkiesing skors
• AfriForum Jeug appelleer ná onregmatige opskorting van VSR-kandidate se kandidature by US

AfriForum Jeug ondersteun die volgende kandidate:

Bernard Pieters MSc Geohidrologie 8ste jaar

Thea Bester BSc Chemie en Polimeerwetenskappe 2de jaar

Netanje van Niekerk BA Filosofie, Politiek en Ekonomie 2de jaar

Ashwin Maloy BA Internasionale Studies 1ste jaar

AfriForum Jeug stig beurs- en studiefonds vir Afrikaanse studente

AfriForum Jeug het ʼn beurs- en studiefonds gestig ten bate van Afrikaans en studente wat in dié taal wil studeer. Donateurs en alumni wat ʼn bydrae tot die fonds wil lewer, sal nie net ʼn verskil in Afrikaanssprekende studente se lewens maak nie, maar ook ʼn verskil in die bevordering en ontwikkeling van Afrikaans teweegbring.

TrauMATIESE besluit deur US geneem

AfriForum Jeug het vandag ʼn leë doodskis aan die raad van die Universiteit Stellenbosch (US) oorhandig en daarna ʼn fakkel aangesteek as simboliese gebaar om te wys dat hoewel die bestuur probeer om Afrikaans aan dié universiteit uit te wis, dit steeds sal voortleef in die harte van die studente. Dít volg nadat die raad vanmiddag besluit het om in 2017 ʼn taalbeleid te aanvaar waarvolgens Engels die enigste primêre onderrigtaal van die universiteit sal wees.

Stellenbosch-taalbeleid

Die hof het AfriForum Maties weer eens gelyk gegee deur ’n tussentydse interdik wat AfriForum Jeug op 11 Maart 2016 teen die Universiteit van Stellenbosch (US) verkry het, te bekragtig.

Monumentbou-aksie

AfriForum Jeug het op 9 Mei as deel van sy #AfrikaansSalBly-veldtog en om Afrikaans se 91ste bestaansjaar te vier tydelike taalmonumente uit Jenga-blokke gebou waarop daar Afrikaanse woorde gedruk is.

US moet taalbeleid toepas, beveel hof – AfriForum Jeug

Regter Kate Savage het vandag in die Kaapse hooggeregshof die dringende tussentydse interdik wat AfriForum Jeug op 11 Maart 2016 teen die Universiteit van Stellenbosch (US) verkry het, bekragtig.

AfriForum Jeug bou voort aan Afrikaans ongeag teenstand

AfriForum Jeug het vandag as deel van sy #AfrikaansSalBly-veldtog en om Afrikaans se 91ste bestaansjaar te vier tydelike taalmonumente uit Jenga-blokke gebou waarop daar Afrikaanse woorde gedruk is. As deel van dié vieringe is daar ook 91 ballonne losgelaat. Dié simboliese aksie is op die hoofkampusse van die Universiteit van Pretoria (UP), Universiteit Stellenbosch (US), die Universiteit van die Vrystaat (UV) en die Noordwes-Universiteit se Potchefstroom-kampus (NWU) gehou, maar is egter verskillend op die onderskeie kampusse ontvang.

AfriForum Jeug loods beurskompetisie vir studente

As deel van AfriForum Jeug se nasionale veldtog om Afrikaans as onderrigtaal aan universiteite te behou, het dié jeugorganisasie ’n kompetisie geloods waar vier studente elk ’n studiebeurs ter waarde van R20 000 kan wen. Dié beurse sal onderskeidelik aan Afrikaanse studente van die Universiteit van Pretoria, Noordwes-Universiteit in Potchefstroom, die Universiteit van die Vrystaat en die Universiteit van Stellenbosch toegeken word.

AfriForum Jeug Maties lewer kommentaar op US-taalbeleid

AfriForum Jeug se Maties-tak dien vandag bykomende kommentaar by die ondersoekkomitee in wat deur prof. Wim de Villiers, die rektor en visie-kanselier van die Universiteit Stellenbosch (US), aangestel is. Dié kommentaar handel oor die prosedurele onbillikheid van die US se konseptaalbeleidsverandering.

AfriForum Jeug pak US in Kaapse hooggeregshof

AfriForum Jeug en die Universiteit van Stellenbosch (US) sal môre vir ʼn derde keer in die Kaapse hooggeregshof verskyn, waar dié jeugorganisasie die hersieningsproses van die universiteit se taalbeleid sal teenstaan.

AfriForum Jeug eis optrede teen prof. Wim de Villiers

AfriForum Jeug het ’n klag teen prof. Wim de Villiers, rektor van die Universiteit van Stellenbosch (US), ingedien weens sy onvermoë om dié universiteit se reëls na te kom.

AfriForum Jeug verkry dringende interdik teen US

Die Wes-Kaapse hooggeregshof het vandag ’n tussentydse interdik toegestaan waarkragtens die Universiteit van Stellenbosch (US) beveel word om sy taalbeleid – wat breedweg vir gelykberegtiging tussen Afrikaans en Engels as onderrigtale voorsiening maak – met ingang van 29 Maart 2016 te implementeer.

OpenStellenbosch-vergadering ontwrig wéér; AfriForum Jeug eis optrede

AfriForum Jeug eis optrede deur die Universiteit van Stellenbosch (US) se bestuur  nadat ’n optog wat gister deur OpenStellenbosch op die US se kampus gereël is, in ’n gewelddadige betoging voor die Neelsie se deure ontaard het. Dít  volg nadat ’n geskrewe pleidooi van AfriForum Jeug aan die bestuur om veiligheidsmaatreëls op die kampus op te skerp, geïgnoreer is.

Matie-taalbeleid ongeldig; AfriForum Jeug beteken dringende aansoek op universiteit

AfriForum Jeug het gister ʼn dringende aansoek beteken op die Universiteit van Stellenbosch om ʼn interdik te verkry om die universiteit te dwing om sy taalbeleid en -plan, sowel as die taalspesifikasies soos in die 2016 Jaarboek gepubliseer, te implementeer.

AfriForum Jeug dien polisieklag in teen individue wat aanrand

AfriForum Jeug het vandag ’n klag van aanranding en aanhitsing tot geweld teen mnr. Johan Pienaar en ene me. Mnqundu Wam by die Brooklyn Polisiestasie ingedien.

Universiteit van Stellenbosch veroordeel studente wat erfenis herdenk ten koste van EFF

Die Universiteit van Stellenbosch het hom vandag uitgespreek teen studente wat deur AfriForum Jeug genooi is om 12:00 by die J.H. Marais-standbeeld op kampus vir ’n vreedsame herdenkingsaksie bymekaar te kom. Die universiteit meen dat dié studente ’n risiko vir geweld inhou omdat die EFF vandag by die universiteit betoog.

Vyande van Afrikaans op US ontbloot

AfriForum Jeug het vandag ʼn veldtog begin teen sestien raadslede van die Universiteit van Stellenbosch (US) wat teen die bestaande taalbeleid van die universiteit gestem het. Die publiek word aangemoedig om aan die veldtog deel te neem deur hul ontevredenheid te kenne te gee en saam uit een mond te praat oor die raadslede se vyandigheid teenoor Afrikaans.

AfriForum ondersteun AfriForum Jeug se reg om hulself op kampusse te beskerm

AfriForum ondersteun die reg van AfriForum Jeug-lede en ondersteuners om hulself binne die raamwerk van die wet teen die EFF en ander radikale groepe se aggressiewe dade by die Universiteit van Pretoria (UP) en ander kampusse te beskerm. Om dié rede het AfriForum sy regspan opdrag gegee om die feit dat AfriForum en AfriForum Jeug ook by die interdik ingesluit is wat die UP-bestuur teen die EFF bekom het, in die hof teen te staan.

AfriForum Jeug eis dissiplinêre optrede teen personeel en SR-voorsitter van die US

AfriForum Jeug neem kennis van prof. Wim de Villiers, rektor en visekanselier van die Universiteit van Stellenbosch (US), se voorneme om ʼn onafhanklike kommissaris aan te stel om die US se hantering van gebeure by die Heemstede-dameskoshuis se “blackface”-voorval te ondersoek.

Die US se aansien bloei pers

Die twee meisies van Maties wat weens hul pers gesigte geskors is, het vandag met AfriForum Jeug se regspan vergader en die aanbod aanvaar dat AfriForum Jeug hulle sal bystaan. AfriForum Jeug se regspan het vandag opdrag gekry om alle moontlike stappe te neem om die meisies se regte te beskerm.

AfriForum Jeug beteken dringende interdik op Universiteit van Stellenbosch se uitvoerende bestuur

AfriForum Jeug se regspan het op Vrydag, 5 Februarie 2016 ʼn aansoek om ’n dringende hofinterdik op die uitvoerende bestuur van die Universiteit van Stellenbosch (US) beteken.

Afrikaanse studente moet klasgelde terughou tot Junie – AfriForum Jeug #RedAfrikaans

“As ons taal nie goed genoeg is nie, is ons geld ook nie goed genoeg nie!”

Lees Meer

Maties-rektor verseker AfriForum Jeug van kampusveiligheid

Die Universiteit van Stellenbosch (US) se jaarlikse konvokasievergadering, wat vandag plaasvind, sal volgens prof. Wim de Villiers, rektor en visekanselier van die US, vreedsaam verloop. Prof. De Villiers het in ʼn skrywe aan AfriForum Jeug op 15 Januarie 2016 die versekering gegee dat individuele sowel as algemene kampusveiligheid by die US sal heers tydens die vergadering.

Maties-rektor verseker AfriForum Jeug van kampusveiligheid

Die Universiteit van Stellenbosch (US) se jaarlikse konvokasievergadering, wat vandag plaasvind, sal volgens prof. Wim de Villiers, rektor en visekanselier van die US, vreedsaam verloop. Prof. De Villiers het in ʼn skrywe aan AfriForum Jeug op 15 Januarie 2016 die versekering gegee dat individuele sowel as algemene kampusveiligheid by die US sal heers tydens die vergadering.

AfriForum Maties maak standbeeld skoon; sal hul kulturele erfenis sélf beskerm

AfriForum Maties het self ingespring om die standbeeld van J. H. Marais skoon te maak nadat dit gister gevandaliseer is. Dié aksie vorm deel van AfriForum Maties se veldtog om Afrikaans aan die Universiteit van Stellenbosch (US) te beskerm.

Rektor transformeer Maties na universiteit van anargie

Die rektor van die Universiteit van Stellenbosch, prof. Wim de Villiers se wanbestuur lei tot anargie by dié universiteit. Betogers het vandag die kampus betree en strukture aan die brand gesteek. Die betogers sluit nie net studente in nie, maar werknemers van die universiteit.

Rektor dink reëls hoef nie gevolg te word nie

AfriForum Jeug het ’n patroon by prof. Wim de Villiers, rektor en visekanselier van Universiteit van Stellenbosch (US), begin waarneem waardeur hy amptelike prosesse keer op keer probeer omseil. Die nuutste daad wat dié waarneming bevestig, is sy besluit om Engels as enigste kommunikasietaal aan die universiteit in te stel.

Terugslag vir Afrikaans by Maties

AfriForum Jeug het met kommer kennis geneem van die besluit van die Universiteit van Stellenbosch (US) se Raad tydens hulle Raadsvergadering op 28 September om nie meer Afrikaans as onderrigtaal te beskerm in die amptelike taalbeleid van die universiteit en ander dokumente nie.  

Open Stellenbosch-propaganda

Geagte Stellenbosch-student,

Die onlangse video genaamd Luister wat deur die groep Open Stellenbosch op sosiale media gelaai is, is niks anders as goedkoop propaganda nie. Ek weet sekere lede van die publiek, en veral lede van Open Stellenbosch, gaan nie met my stelling saamstem nie, maar gee my die geleentheid om dit te verduidelik. 

“Open Stellenbosch” open deure vir rassestryd

Die omstrede video van die Open Stellenbosch-jeugorganisasie is “eensydig en emosioneel gelaai”.

Só meen Henk Maree, nasionale voorsitter van AfriForum Jeug.

AfriForum Jeug betuig medelye oor afsterwe van prof. Russel Botman

AfriForum Jeug het sy medelye uitgespreek met die geliefdes van prof. Russel Botman, rektor en visekanselier van die Universiteit van Stellenbosch, oor die skielike afsterwe van dié akademikus.