Ek staan saam met Shaun!

Beste NWU-bestuur

Die NWU het as deel van die oriënteringsprogram ’n LGBTQIA+-sessie geskeduleer,. Tydens die program moes 2024 se eerstejaars, HK-lede en verskeie ander studente na hierdie groep se standpunte luister en is nie die keuse gegun is om die lokaal te verlaat nie.

Shaun Christie – ’n student wat dapper genoeg was om op te staan vir dít waarin hy en talle ander studente glo – word egter geskors omdat hy ’n stem wou wees vir soveel ander studente wat te bang is vir die magsbeheptheid van die NWU-bestuur, wat enige student stilmaak indien hul teen ’n besluit van die bestuur opstaan.

Ons studente sal nie langer toelaat dat die narratiewe van die NWU-bestuur op hul afgedwing word nie. Ons staan saam met hierdie studente en versoek dat Shaun Christie se skorsing onmiddellik opgehef word.

Gee ons studente hul stemme terug!