TRAP VIR JOU TOEKOMS-SPANINSKRYWINGS

AfriForum Jeug se Tuks- en Sol-Tech-tak bied ’n 12 uur lange fietsryuitdaging by Sol-Tech aan op 10 Augustus 2026 van 10:00 tot 22:00.

Hierdie geleentheid is daarop gemik om verskeie jongstudente-instellings soos Akademia, Sol-Tech, Tuks en Tuks-koshuise die geleentheid te bied om fondse vir hul onderskeie instansies in te samel, asook om bande met ander jongmense van dieselfde ingesteldheid te smee. Hierdie is ook ’n gulde geleentheid vir jong studente om Vrouedag saam te vier en die vroue van hul instansie te vereer deur ’n dag vol gees, kameraadskap en lekker aktiwiteite – van ’n braaibroodjiekompetisie, boeresport, geesbeker, zef troue, neon, “beer pong”, bier-uur tot ’n sokkie en dit alles terwyl jou spanmaat die pedale trap om nog ’n paar kilometer vir die span bymekaar te maak.

AfriForum Jeug se Tuks- en Sol-Tech-tak daag jou uit om aan hierdie 12 uur lange fietsryuitdaging te kom deelneem!

"*" indicates required fields

This field is for validation purposes and should be left unchanged.
Gaan jou span aan die braaibroodjiekompetsie deelneem*
Gaan jou span ’n borgvorm nodig hê*

INLIGTING VAN DIE KAPTEIN

Naam en van*
Deur hierdie vorm in te vul stem ek daartoe in dat AfriForum my data mag verwerk, stoor en gebruik.*
Ek bevestig hiermee dat ek en my spanlede die bogenoemde verklaring gelees het, dit begryp en daartoe instem.*

TOESTEMMING EN VRYWARINGSVERKLARING:

Ons, die ondertekende spankaptein en spanlede, verklaar hiermee die volgende:

  1. Vrywillige deelname en risikoaanvaarding
    • Ons neem uit eie vrye wil en op eie risiko deel aan die 12 uur lange fietsryuitdaging van AfriForum Jeug se Tuks- en Sol-Tech-tak.
    • Ons is bewus dat deelname aan sport- en buitelugaktiwiteite inherente risiko’s kan inhou, insluitend beserings, ongelukke, gesondheidsrisiko’s, verlies of skade aan eiendom.
    • Ons aanvaar volle verantwoordelikheid vir al hierdie risiko’s en gevolge, en onderneem om die nodige voorsorgmaatreëls toe te pas.
  2. Vrywaring van aanspreeklikheid
    • Ons vrywaar hiermee AfriForum Jeug, die organisasie se Tuks- en Sol-Tech-tak, sy leiers, organiseerders, fasiliteerders, vrywilligers, borge, Sol-Tech en enige ander betrokke of geassosieerde instansie teen enige aanspreeklikheid, eis, verlies, skade of uitgawe wat uit ons deelname voortspruit.
    • Die organiseerders aanvaar geen verantwoordelikheid vir verlore, gesteelde of beskadigde eiendom nie.
  3. Reëls en voorskrifte
    • Ek bevestig dat ek en my spanlede die reëls en regulasies van die geleentheid ontvang en gelees het, en dit begryp.
    • Ons onderneem om sowel hierdie reëls as toepaslike wette en Sol-Tech se kampusreëls streng na te kom.
    • Ons aanvaar dat die organiseerders die reg het om enige deelnemer of span wat nie aan die reëls voldoen nie, te diskwalifiseer of te verwyder.
  4. Beeld- en mediagebruik
    • Ons gee toestemming dat foto’s, video’s en ander beeldmateriaal wat tydens die geleentheid van my en/of my span geneem word sonder enige vergoeding deur AfriForum Jeug gebruik mag word vir bemarking en promosies, en in publikasies en op sosiale media.
  5. Gebruik van persoonlike inligting
    • Ek gee toestemming dat AfriForum Jeug my kontakbesonderhede mag gebruik vir doeleindes wat direk met die 12 uur lange fietsryuitdaging verband hou (bv. verdere reëlings, kommunikasie of opvolg).
    • Ek begryp dat my inligting beskerm sal word ingevolge die Wet op die Beskerming van Persoonlike Inligting 4 van 2013 en nie sonder my toestemming aan derde partye verkoop of versprei sal word nie.
  1. Daar is drie kategorieë (mans, dames en gemeng) waarvoor daar ingeskryf kan word.
  2. ’n Span moet uit ten minste tien lede bestaan.
  3. Inskrywingskoste is R300 per span.
  4. AfriForum Jeug voorsien die fietse waarop daar deelgeneem word.
  5. Toegang: Elke span ontvang ’n eenmalige QR-kode, wat hulle by Sol-Tech se hoofhek moet wys vir toegang. Daarna ontvang elke deelnemer en toeskouer ’n gekleurde bandjie om die terrein te verlaat en weer te kan inkom.
  6. Elke span moet sy toegewysde area mooimaak. Dit kan Maandag 10 Augustus van 08:00 tot 09:30 gebeur. Die mooimaak van stalletjies sluit in gazebo’s, foto’s, stoele, tafels, banke, ballonne en so meer.
  7. GEEN eie drank en/of kosse word toegelaat nie, en spanne kan gediskwalifiseer word indien hierdie oortree word. Die Kraal by Sol-Tech sal van 10:00 tot 22:00 oop wees om sowel drank as verskeie kosse, lekkers, koeldrank en energie-aanvullers te verkoop.
  8. Daar sal ’n braaibroodjiekompetisie plaasvind, en elke span moet vooraf hul eie bestanddele vir die kompetisie saambring. Ons voorsien brood, tamatie, botter en uie.
  9. Slegs twee ondersteuners word by elke fiets toegelaat. Die res van die ondersteuners kan hul span ondersteun in die areas wat aan hulle toegewys is, of aan van die ander aktiwiteite deelneem.
  10. Geen alkohol word naby die fietsryarea toegelaat nie, tensy so aangedui deur die seremoniemeester.
  11. Daar moet te alle tye iemand op die fiets wees wat besig is om te trap.
  12. Elke span kan bykomende borge kry, mits dit aan AfriForum Jeug gekommunikeer word. Borgvorms is op aanvraag beskikbaar.
  13. Elke span is vir sy eie kleredrag verantwoordelik wat by die temas moet inskakel soos op die program aangedui. Dra iets wat jou span uitsonder en jou instansie/koshuis se naam aandui.
  14. Deelnemers moet tussen 08:00 tot 09:45 op 10 Augustus 2026 by Sol-Tech registreer.

Bankbesonderhede:

  • Eerste Nasionale Bank
  • Takkode: 261550
  • Rekeningnr: 62349898398
  • Verwysing: TRAP + Instansie/span Naam
  • E-pos bewys van betaling na jeug@afriforum.co.za