Vul gerus die vorm in vir enige navrae.

Naam *

E-pos *

Navrae

Taal/Language

Tag Archives: Kwotas

AfriForum Jeug tree teen SASA-diskriminasie op

deur in Hou ons hier dop op 01 March, 2019

AfriForum Jeug het op 27 Februarie 2019 sy regspan opdrag gegee om ’n brief aan die Suid-Afrikaanse Skoleatletiek (SASA) te rig, nadat ’n brief vanaf SASA uitgereik is waarin dié liggaam strenger transformasieteikens op hul provinsiale liggame afdwing.

SASA se brief noem onder andere dat elke skoleatletiekspan ’n minimum van 40% atlete uit ’n voorheen benadeelde demografie moet insluit. Op beide hoërskool- en laerskoolvlak word sekere geleenthede slegs vir voorheen benadeelde leerders voorgehou en daar word pertinent gesê dat dié atlete aan geen ander vereistes hoef te voldoen nie.

AfriForum Jeug is van voorneme om atlete, ouers en afrigters by te staan wat deur dié diskriminasie benadeel word.

AfriForum Jeug het in hul regsbrief die volgende vrae aan SASA gerig:

  • Indien ’n swart kind in ’n privaatskool of voormalige model-C skool is, is hy voorheen benadeel?
  • Hoe word ‘voorheen benadeeld’ bepaal? Indien volgens ras, hoe word die ras bepaal?
  • Wat is SASA se definisie van voorheen benadeelde persone?

“Ons is vas oortuig dat die voorheen benadeeldes – waarna SASA se brief verwys – gebruik gaan word om atlete wat op meriete die span sou haal, op grond van ras uit te sluit. Ons kan nie toelaat dat kinders aan rassediskriminasie blootgestel word nie,” sê Henk Maree, hoof van AfriForum Jeug.

AfriForum Jeug moedig ouers en afrigters aan om hierdie diskriminasie saam met hulle teen te staan. Stuur ’n e-pos aan henk.maree@afriforum.co.za of SMS jou naam na 32687 (R1).

Terugblik op die week by die VN

deur in Blog Witwarm op 15 August, 2016

AfriForum Jeug, AfriForum en Solidariteit het die afgelope week die 2 461ste sitting van die Verenigde Nasies se komitee vir die uitwissing van rassediskriminasie (CERD) in Genève, Switserland bygewoon.

Lees Meer

VSR-kandidaat van Tuks verteenwoordig jeug by VN

deur in Blog Witwarm op 26 July, 2016

AfriForum Jeug gaan die kwessie oor die kwotastelsel internasionaliseer wanneer Henrico Barnard, AfriForum Jeug Tuks se VSR-presidentskandidaat, in Augustus na die Verenigde Nasies gaan om die jeug dáár te verteenwoordig.

Lees Meer

AfriForum Jeug verwelkom geen kwotas by nuwe universiteit in KZN

deur in Hou ons hier dop Mediaverklarings op 05 June, 2014

AfriForum Jeug verwelkom die KwaZulu-Natal premier, Senzo Mchunu, se aankondiging dat daar geen rassekwotas by die nuut beplande mediese universiteit in Newcastle sal geld nie.

Lees Meer

AfriForum Jeug daag Kovsies-bestuur uit om regstellendeaksie-aanstellings by SAMRK in te dien

deur in Mediaverklarings Witwarm op 25 January, 2014

AfriForum Jeug het vandag die UV-bestuur en prof. Jonathan Jansen, rektor van die Universiteit van die Vrystaat (UV), uitgedaag om persone wat as gevolg van regstellende aksie by die UV aangestel is, en studente wat as deel van kwotastelsels in sekere rigtings soos Medies toegelaat is, by die Suid-Afrikaanse Menseregtekommissie (SAMRK) aan te gee.

Lees Meer